Gleda ved å heale

Gleda ved å heale er ei drivkraft i meg.  Eg trur det er den same krafta som gjer at naturen utstrøymer glede ved å heale.  Ved det vi opplever som harmoni og det vakre, liv og helse. Mange ganger har eg tenkt at det er forfattar eg er.  No forstår eg omsider at eg kan vere både sjaman, healer og forfattar, og at det er vårt samfunn som gjer at vi treng overskrifter, ikkje naturen.  Men for deg som søkjer meg er eg glede, eg er her for å skape deg til den du er.  Hente fram blåkopien, diamanten, helsa di og gleda i livet. 

Eg har tredve års arbeidserfaring som healer og sjaman, enorm kunnskapstørst i lag med medfødde evner. 

Og viktigast av alt, etter over 10 000 menneskemøte som healer er eg framleis spent som ein unge på å møte kvart nytt menneske.  Det genuine i kvar av oss gjev meg berre meir og meir ærefrykt.

Alt kan healast

​

Det har støtt vore ein merkestein for meg å avmystifisere, å lette på slør og å forstå ting med logikken såvel som at ein forstår kor lite ein veit.

Sjamanen var verdas første vitskapsmann, seist det.  Eg ser at denne tilnærminga har kome meir og meir fram, og at vitskap og det som før vart bortfeia som tru og overtru no kan bli brukt av folk flest.  Meditasjon, ja jamvel mirakel og hjernen sin evne til å vere ein aktiv medskapar, og jamvel utføre det vi trudde var uråd, er sann glede for meg.  Intuisjon, telepati og kjærleik er sterke medisinkjelder.

​