Velkomen til eit møte som vil skape positive endringar

Alt er bunde saman, at er kommunikasjon. Draumekroppen din hugsar ein blåkopi, og healing er å bli sett, slik at kroppen din kan spele med.

Det er menneskeleg å av og til vere i kaos. Det er menneskeleg å miste kontrollen, og det er verre med dei som støtt agerer som om dei hadde kontroll. Å gje opp, å gje slepp er nødvendig. Men i vanskelege tider treng vi kvarandre sine auge. Ein sjaman er ein som kjenner vegane meir enn andre.

Psykologien snakkar om det undermedvitne. I sjamanisme er det fleire lag, men vi tenkjer heller i termar som utvida medvit. Det er ei velsigning å eige gløymsla, men somme tider må vi også opne rom og ta attende bilete, ord, minne for å få healing og kome oss vidare. Vi har tilgang over alt, det er ikkje alt som er tida til å opne opp, men trance og hypnose er som å fin-innstille ein radiokanal. Å vite. Å forstå. Å hugse.

Når vi opplever eit traume, oppbevarer kroppen sjokket til vi er klare til å hente ut informasjonen i det opplevde. I traumatiske situasjonar legg vi og inn programmeringar til å overleve, som er funkjsonelle der og då, men som seinare hemmar oss.  Slike informasjonsklynger samlar meir og meir informasjon og vi går liksom i eit hamsterhjul og dreg til oss situasjonar som draumekroppen hentar inn for at vi skal lære. Og så kapslar vi berre meir inne avdi vi har laga ei kontrakt i frykt. Sjamanen går ut i desse kontraktene og nøytraliserer dei,i.  Mange kontrakter er også nedervde i DNA et vårt. 

Tarot er eit kraftig reiskap til å forstå linjer, til å tolke og til å meistre. Det er også eit farleg reiskap, og det kan skape kontrollbehov, frykt. Ein kan gå over grensene åt andre menneske, og ein kan gje mat til frykt og tvangslidingar.  Eg bruker korta med forstand og dei gjev djupe råd. Saman går vi inn og  avklarer korleis, og om vi skal bruke kort i ein situasjon.  

Sidan eg har arbeidd med kabbalah som er rota som tarot byggjer på, er eg i stand til å leggje eit personleg legg i det vi kallar livets tre. Blåkopien av den du er. 

Av og til har eg eit kurs, anten online eller vi samlast.